Виртуал Хөрөнгийн Үйлчилгээний нөхцөл

1. Ерөнхий

1.1. Энэхүү нөхцлөөр Алтекс эсвэл түүнд гэрээний дагуу үйлчилгээ үзүүлдэг гуравдагч этгээдээс үзүүлж буй бүх үйлчилгээ, үүнд хадгалах, зээлээр ашиглах, өгөөжийг нэмэгдүүлэх бүтээгдэхүүн, зээл болон бусад Виртуал хөрөнгийн үйлчилгээ (хамтад нь "Үйлчилгээ") -ийг зохицуулна. Эдгээр нөхцлүүд нь Биржийн Үйлчилгээний ерөнхий нөхцөлд заасан Нөхцлүүдийн нэг хэсэг юм ("Нөхцөл").

1.2. Үйлчилгээ авах хүсэлт гаргаж, ашигласнаар та эдгээр нөхцөл, болзол, интерфэйс дээр нийтлэгдсэн биржийн бүх дүрэм, бодлогыг, үүнд мэдэгдэл, нууцлалын бодлогыг хүлээн зөвшөөрч байна гэж үзнэ. Бирж эдгээр бодлогыг хэрэгжүүлэхийг шаардах эрхээ хэрэгжүүлээгүй нь түүний эрхээс татгалзах үндэслэл болохгүй.

1.3. Хэрэв Алтекс үйлчилгээ үзүүлэхдээ гуравдагч талын үйлчилгээг ашиглаж байгаа бол та дараахь зүйлийг зөвшөөрнө. Үүнд: (i) Алтексийн шаардлагатай гэж үзсэн гэрээг байгуулах; (ii) Харилцагчаа таньж мэдэх, Мөнгө угаахтай тэмцэх журмын талаар мэдээлэл өгөх; (iii) гуравдагч этгээдийн бодлогыг дагаж мөрдөх.

1.4. Алтекс нь гуравдагч этгээдийн үйлчилгээнд хяналт тавих боломжгүй бөгөөд, тэдний үйлчилгээ, үнэн зөв, найдвартай байдалд хариуцлага хүлээхгүй. Бирж нь гуравдагч талын үйлчилгээ үзүүлэгчтэй хийсэн гэрээ, гүйлгээ, маргааныг хариуцахгүй гэдгийг та хүлээн зөвшөөрч байна.

1.5. Энд тодорхойлогдоогүй нэр томъёо нь Үйлчилгээний ерөнхий нөхцөлд тодорхойлогдсонтой адил утгатай байна.

2. Үйлчилгээ

2.1. Үйлчилгээг ашиглахын тулд та Алтекс-ийн интерфэйс дээр бүртгэлтэй хэрэглэгч байх ёстой бөгөөд KYC/AML журам, Биржийн зөвшөөрөл зэрэг шалгуурыг хангасан байх ёстой.

2.2. Алтекс нь банк эсвэл түүнтэй адилтгах лицензтэй санхүүгийн байгууллага биш юм. Таны Интерфейсийн данс нь банкны данс биш бөгөөд хөрөнгийг Биржийн болон төрийн мөнгөөр даатгадаггүй, хамгаалдаггүй.

2.3. Үйлчилгээг бүх нутаг дэвсгэрт ашиглах боломжгүй байж болно. Өөрийн харьяалалд байгаа үйлчилгээг ашиглахаасаа өмнө хуулийн болон татварын зөвлөхүүдээс зөвлөгөө аваарай.

2.4. Интерфэйс дээрх сонгосон програмуудад тодорхой шалгуур, нөхцөл, шинэчлэлт үргэлж хийгдэж байдаг. Тухай үед хэрэгжиж байгаа аль ч хөтөлбөрийг сонгосноор та түүний нөхцөл, биржийн шинэчлэлтийг зөвшөөрч байна гэж үзнэ.

2.5. Алтекс зах зээлийн нөхцөл байдал, зохицуулалтын хүчин зүйлээс шалтгаалан үндэслэл бүхий шалтгаанаар танд мэдэгдэлгүйгээр таны хөтөлбөрт оролцохыг зөвшөөрөх, татгалзах, түдгэлзүүлэх, цуцлах боломжтой. Алтексийн тогтоосон журмын дагуу өгөөж эсвэл хөрөнгийг буцаан өгч болно.

2.6. Хөрөнгийг барьцаа болгон ашиглах боломжгүй тул зарим интерфэйсийн хөтөлбөрүүд маржин арилжаанд нөлөөлж болзошгүй.

2.7. Хүү эсвэл өгөөжид татвар суутган тооцож болно. Та татварын холбогдох бүх хуулийг дагаж мөрдөх үүрэгтэй.

2.8. Алтекс зах зээлийн нөхцөл байдалд үндэслэн нөхцөл, хөтөлбөрийн онцлог, нөхцөлийг мэдэгдэлгүйгээр өөрчилж болно. Интерфэйс дээр нийтлэгдсэн даруйд өөрчлөлтүүд хүчин төгөлдөр хэрэгжиж эхэлнэ.

2.9. Алтекс нь тасалдалгүй үйлчилгээ үзүүлэх, согогийг засах, гуравдагч этгээдийн тасалдал, зөвшөөрөлгүй нэвтрэхээс урьдчилан сэргийлэх баталгаа өгөхгүй.

2.10. Урьдчилан тооцоолсон хүү, өгөөжид баталгаа гаргахгүй бөгөөд зах зээлийн нөхцөл байдлаас шалтгаалан өөрчлөгдөж болно.

2.11. Алтекс нь хадгалуулах горимд байх Виртуал хөрөнгийг харилцан тохиролцсон хугацаанд өөрийн үзэмжээр ашиглаж болно.

3. Эрсдэл

3.1. Та арилжаанд оролцохдоо өөрийн зорилго, нөөц, эрсдэлийг тэсвэрлэх чадвар дээр тулгуурлан Интерфейсийн хөтөлбөрүүдийн тохиромжтой байдлыг үнэлнэ үү.

3.2. Эрсдэлд дараахийг хамааруулж ойлгоно. Үүнд: банкны статусгүй, зохицуулалтын хамгаалалт байхгүй, хууль тогтоомжийн өөрчлөлт, баталгаагүй өгөөж, бүтээгдэхүүний хөрвөх чадварын хязгаарлалт.

3.3. Үйлчилгээг өөрийн эрсдэлийн чадварт тулгуурлан ашиглана уу. Гэсэн хэдий ч, нэмэлт эрсдэл гарч болзошгүйг анхаарна уу.

3.4. Монгол улсын хуулиар тодорхойлолсон виртуал хөрөнгийн эрсдэлийг ойлгож хүлээн зөвшөөрнө үү.

4. Баталгаа

4.1. Та хөрөнгө нь хууль ёсны бөгөөд барьцаанаас ангид, хууль бус хөрөнгийн эх үүсвэр болон үйл ажиллагаанаас үүсээгүй бөгөөд холбогдох хууль тогтоомжид нийцэж байгаа эсэхийг баталгаажуулах үүрэгтэй бөгөөд үүгээр тэдгээрийг баталгаажуулж байна.

4.2. Үйлчилгээг нөхцөл, хууль тогтоомжийг зөрчин ашиглах, залилан мэхлэх, гэмт хэргийн шинжтэй үйл ажиллагаа явуулахгүй байх баталгаа гаргаж байна.

5. Давагдашгүй хүчин зүйл

5.1. Хянах, урьдчилан тааварлах боломжгүй, гэнэтийн шинжтэй үйл явдлын улмаас аливаа өгөөж олгохгүй байх тохиолдолд Алтекс хариуцлага хүлээхгүй.

6. Дуусгавар болгох

6.1. Алтекс нь урьдчилж мэдэгдэл өгснөөр үйлчилгээгээ хэдийд ч цуцалж болно.

6.2. Ийнхүү цуцалсан тохиолдолд хуулийн дагуу хориглосноос бусад тохиолдолд өөрийн хөрөнгө болон хуримтлагдсан өгөөжийг та нэн даруй гаргаж авах үүрэгтэй.

7. Эрх шилжүүлэх

7.1. Алтексийн бичгээр зөвшөөрөл авалгүйгээр програмын эрхийг бусдад шилжүүлж болохгүй.